„Willkommen im Thurgau“, së shpejti edhe shqip

Qendra kompetente e Zyrës për migracion e kantonit të Thurgaut ka publikuar një broshurë që pritet të ndihmojë integrimin e të guajve të porsaardhur në këtë kanton. Broshura me titullin “Willkoimmen im Thurgau” (Mirë se vini në Thurgau” u shpërndahet të gjithë të huajve të ardhur rishtas në këtë kanton, sapo ata të paraqesin qëndrimin e tyre në komunën përkatëse.

Integrimi fillon me vendosjen në ambientin e ri. Informacionet e përgatitura mirë ndihmojnë në kontaktet e para me zyrat e administratës, për të reduktuar pasigurinë dhe motivojnë për tu përshtatur dhe fituar më shpejtë besimin në ambientin e ri.

Broshura përmban informata të rëndësishme në lidhje me bashkëjetesën në Thurgau, përfshirë edhe adresat më të rëndësishme.

Komunat i japin këto broshura falas në sportelet e shërbimeve komunale. Ato mund të shkarkohen  edhe nga interneti, gjegjësisht nga faqja e Entit për Migracion (www.migrationsamt.tg.ch) .

Për fillim broshura është vetëm në gjuhën gjermane ndërsa prej 1 nëntorit ajo do të botohet dhe shpërndahet edhe në gjuhüën shqipe, angleze, frënge, italiane, portugeze, serbe dhe turke.