30 vjet të lëvizjes „Zvicra pa ushtri“

Grupi për një Zvicër pa Ushtri (GsoA) ka festuar të shtunën 30 vjetorin e ekzistimit. Synimin kryesor që i ka vënë vetes kjo lëvizje, lënien e Zvicrës pa ushtri, nuk e ka realizuar.

Mirëpo ajo ka arritur diçka: Të legjitimojë debatin në lidhje me inistitucionin e forcave të armatosura.

Provën e parë dhe me rezultat inkurajues për të GsoA e ka pasur në vitin 1989. Më shumë se një e treta e pjesëmarrësve në votimin gjithëpopullor kishte votuar për heqjen e ushtrisë dhe me këtë ishte thyer tabuja se ushtria nuk bën të kritikohet.

Aktualisht GsoA është angazhuar për realizimin e iniciavës për heqjen e shërbimit të detyruar ushtarak. Vetëm pak ditë para shënimit të 30 vjetorit të saj, GsoA dhe opinioni i Zvicrës ka qenë dëshmitar i qëndrimit të Këshillit Federal kundër heqjes së detyrimit ushtarak.