Cyrih: Me "Marshin e jetës" kundër abortit

Në Cyrih është mbajtur të shtunën “Marshi për jetën”, i organizuar për të kundërshtuar ndërprerjen e shtatzënive. Rreth njëmijë veta, të vetëquajtur “roje të jetës” kanë marrë pjesë në këtë marsh.

Ata kanë protestuar kundër “biznesit vdekjeprurës të abortit”. Kjo është “mallkim për popullin zviceran”, kanë thënë pjesëmarrësit.

Kjo protestë u organizua sivjet për të tretin vit me radhë. Vitin e kaluar ato ishin përshkallëzuar dhe kishte pasur edhe shpërthim dhune, pasi që kishte pasur edhe kundër demonstrues. Për këtë arsye këtë vit policia kishte marrë masat duke dalë në një numër më të madh për të siguruar rrjedhën paqësore të “Marshit të jetës”.

“Kundërdemonstruesit” kësaj here janë mjaftuar vetëm me provokime me zë dhe policia ia ka dalë të mbajë situatën nën kontroll.

Në Zvicër, rreth 11 mijë gra në vit kryejnë abort të dhunshëm. Kjo shifër është konstante dhe nuk ka ndryshuar prej vitesh.