Didier Burkhalter ringjall çështjen e dënimit me vdekje

Të mërkurën, kreu i Departamentit Federal të Punëve të Jashtme (DFA), Didier Burkhalter, ka takuar homologët e tij gjermanë, austriakë dhe të Lihtenshtajnit në Vaduz. Këshilltari federal ka propozuar një veprim të përbashkët, duke përfshirë katër vendet e lartpërmendura për tërheqjen e dënimit me vdekje në mbarë botën.

Në këtë takim katërpalësh, në të cilin Berlini zakonisht nuk merr pjesë, z. Burkhalter ka bërë thirrje pranë gjermanit Guido Westerwelle, Aurelia Frick e Lihtenshtajnit dhe austriakut Michael Spindelegger për t'u bashkuar me Zvicrën për "nisjen e një iniciative për OKB-në për të shfuqizuar dënimin me vdekje", tha të mërkurën për medie Jean-Marc Crevoisier, zëdhënës i DFA-së. "Propozimi u prit mirë", ka shtuar ai.

Katër ministrat diskutuan gjithashtu për krizën siriane. Kreu i diplomacisë zvicerane ka ofruar të dërgojë një letër në Këshillin e Sigurimit për të kërkuar që krimet e kryera kundër njerëzimit nga të gjitha palët e konfliktit të gjykohen përpara Gjykatës Ndërkombëtare Penale (ICC).

Ndërkaç, z.Burkhalter rikujtoj se Zvicra konteston të drejtën e vetos, duke bërë thirrje për një reformë të funksionimit të Këshillit të Sigurimit, bëri të ditur z. Crevoisier.