Dy proksenetë hungarezë dënohen me burgim

Një hungarez 41-vjeçar është dënuar dje nga Gjykata e Rrethit të Cyrihut me 7 vjet e gjysmë burgim për trafikim të qenieve njerëzore, ndërsa djalit të tij, 23-vjeçar, i është shqiptuar dënimi prej tre vjet e gjysmë burgim për nxitje të prostituimit.

Babai, një shef i një fisi romësh, i mohon faktet. Ai ka refuzuar të shprehet gjatë procesit. Dënimi i shqiptuar ndaj tij bazohet mbi akte të trafikimit të qenieve njerëzore, të inkurajimit të prostitucionit, dhunës seksuale si dhe lëndime fizike.

Përpos dënimin prej 900 frangave zvicerane, personi i dënuar duhet t’ia kthejë 88.000 franga Kantonit të Cyrihut, para këto të fituara në mënyrë ilegale falë prostitucionit.

Tri gra kanë qenë viktima të proksenetëve në fjalë. Ai i ka cenuar ato duke i goditur, dhe madje njërës prej tyre i ka shkaktuar dhunë seksuale.

Prokurori pati kërkuar një dënim prej 11 vjetësh kundër shefit të fisit në fjalë, kurse avokati mbrojtjes e ka kërkuar lirimin e tij.

Mes pranverës 2009 dhe qershorit 2010 prokseneti i ka «blerë» tri hungareze dhe i ka dërguar ato rrugëve të Cyrihut. Nëpërmjes prostituimit të këtyre grave, personi në fjalë i ka fituar 150.000 franga, të cilat i ka dërguar në Hungari.