Iniciativë për rritjen e pensioneve

Federata e sindikatave të Zvicrës SGB ka prezantuar qëllimin e saj për të nisur një iniciativë popullore. Kjo iniciativë ka për qëllim ngritjen e pensioneve mujore për 10 për qind, ka deklaruar Paul Rechtsteiner, kryetar i SGB-së në emisionin e “Samstags Rundschau të radios DRS. Nga një rritje e tillë, sipas tij duhet të përfitojnë në radhë të parë njerëzit me të ardhura (pensione) të ulëta dhe të mesme. Kjo ide ka burimin në diskutimin “AHV plus”, të cilin SGB e udhëheq që nga viti 2010. Për të financuar këtë rritje, sipas Rechtsteiner, duhet të rritet përqindja për pension që paguajnë punëmarrësit dhe punëdhënësit. Ai është shprehur i bindur se sikurse pensionistët ashtu dhe njerëzit që punojnë, do ta mirëpresin dhe mbështesin këtë ide.