Më pak të huaj bëhen zviceranë

Për çdo vit më pak se 3.500 njerëz do të pajisen me pasaporta zvicerane, nëse ndryshimet e ligjit të së drejtës për nënshtetësi i miraton parlamenti. Komisioni Federal për Çështje të Migracionit bën thirrje për një ndryshim rrënjësor të sistemit të nënshtetësisë.Gjatë 2011-ës rreth 39 mijë njerëz kishin marrë pasaporta zvicerane. Me rishikimin e planifikuar të së drejtës për shtetësi gjatë vjeshtës, kërkesa tashmë për natyralizim prej 8 vjetësh mund të bëhet vetëm pas 12 vjetësh qëndrimi në Zvicër.

Megjithatë, vetëm qytetarët me leje qëndrimi të përhershme C mund të gëzojnë të drejtën për natyralizim në Zvicër. Edhe kjo rezulton me 5 mijë pasaporta zvicerane më pak në vit.

Nga ana tjetër, gjatë 5 vjetëve të fundit është rritur ndjeshëm përqindja e atyre të cilët nga viti 1992 deri në vitin 2010 ishin 12 për qind të rregullt dhe 18 për qind të atyre me leje qëndrimi B ose F që kishin marrë shtetësinë zvicerane.

Në përgjithësi me revizionin e përgjithshëm do të ketë rënie prej rreth 3500 natyralizimeve, që do të thotë më pak se 10 për qind.

Komisioni Federal për Çështje të Migracionit bazohet në të dhënat e një studimi që analizon natyralizimin në 20 vjetët e fundit në Zvicër.

Numri i të huajve që marrin pasaporta zvicerane shënon rënie që nga 2007-a, thuhet në studimin e Komisioni Federal për Migracionin (EKM)

Studimi ka ardhur gjithashtu në përfundimin se shkalla e natyralizimit është shumë më e ulët në zonat rurale sesa në qytete.

“Rezultatet e studimit  mbështesin Komisionin Federal për Çështje të Migracionit në kërkesën e tij për një ndryshim të sistemit në procesin e natyralizimit”, tha Valter Leimgruber, kryetar i EKM-së, në një konferencë me gazetarë në Bernë. 

Një proces modern i natyralizimit duhet të jetë i njëjtë nëpër kantone dhe komuna.

Harmonizimi i procedurave në përputhje me kritere transparente mund të sigurojë qasje të barabartë në marrjen e shtetësisë për të gjithë të huajt, thonë zyrtarët e EKM-së. Gjithashtu ata propozojnë natyralizimin me automatizëm të të huajve të brezit të dytë.

Në vijim, studimi në fjalë:

Gjermanisht: http://www.ekm.admin.ch/de/aktuell/index.php

Frëngjisht: http://www.ekm.admin.ch/fr/actuel/index.php