Me autobusin plot udhëtarë, i vihet pas veturës

Një shofer shumë i zemëruar i një autobusi ka terrorizuar për 15 minuta udhetarët e vet duke ndjekur me autobusin e tij rrugëve të qytetit Toulouse një makinë që e ngiste një grua. Në fund ajo u ndal dhe shoferi arriti të shfrynte mllefin, por pa pasoja fizike, njoftojnë mediet franceze.

Por problemi ishte se shoferi i autobusit gjatë kësaj kohe nuk e ndiqte linjën për të cilën shërbente autobusi dhe nuk ndalonte në stacionet e kërkuara nga udhëtarët.

Shkak i gjithë kësaj tollovie ka qenë, sipas policisë franceze, një ndeshje e vogël e veturës me autobusin. Pasi që shoferi i autobusit kishte kërkuar të njoftonin policinë për të bërë protokolin, gruaja nuk kishte pranuar dhe kishte vazhduar vozitjen.

Lutjes së udhëtarëve për të ndaluar, ai u përgjigjej: "E pamundur. Më duhet ta bëj protokolimin e aksidentit".

Për pasojat që shoferi cikërrimtar mund të ketë pas gjithë kësaj, do të vendosë ndërmarrja e transportit që e punëson atë.