Në shkollën zvicerane, i vetmi në klasë që nuk di shqip!

Patrizia Adam-Allenspach është një politikane dhe juriste e respektuar në St. Gallen. Ajo ishte kandidate e CVP-PDC-së për Asamblenë e qytetit të St. Gallenit, në zgjedhjet e mbajtura të dielën që shkoi. Megjithëse ka fituar mbi 7900 vota, Adam nuk ka mundur të sigurojë vendin në parlament. Partia e saj ka vendosur që atë ta kandidojë për njërin nga dy vendet e zbrazëta në qeverinë e St. Gallenit.

Por, pavarësisht nga të gjitha këto, ka qenë një rrethanë tjetër që e ka vënë në fokus kandidaten e CVP-së në fillim të fushatës zgedhore. Një lexues, në letrën e tij të botuar në shtypin lokal, kishte përmendur një detaj pikant nga jeta e saj, që ka të bëjë, në mënyrë të tërthortë, edhe me shqiptarët.

Adam-Allenspach, sipas kësaj letre, i kishte nxjerrë fëmijët e saj nga shkolla e lagjes ku ndiqnin mësimet, sepse, siç kishte ironizuar letërshkruesi, shkolla ppublike nuk ishte mjaft e mirë për fëmijët e saj. Kjo fjali ikishte mjaftuar që juristja 49 vjeçare të shndërrohej në objekt dyshimi të përgjithshëm se një shkollë me nxënës përkatësish të ndryshme nuk përshtatej me stilin e saj të lartë të jetës. Dhe, se ajo kishte diçka kundër të huajve!

Tash, Patrizia Adam kujtohet se ku e ka burimin kjo akuzë. “Djali im, në kopshtin parashkollor ishte i vetmi nxënës që nuk e fliste shqipen. Kështu, ai ishte i distancuar plotësisht, nga të gjithë të tjerët”, shpjegon Adam për gazetën “St.galler Tagblatt”. Pasi që gjendja shkonte duke iu përkqësuar, ajo, në marrëveshje me personelin mësimor dhe me pedagogë, e kishte çuar atüe në një klasë tjetër, ku nuk do të ishte i vetmi zviceran, për t`i dhënë kështu një shans për tu integruar. Dhe, kjo mundësi ekzistonte në shkollën e lagjes St.Georgen, arsyeton kandidatja e CVP-së vendimin e saj.