Neuchâteli nuk di ku t’i vendosë romët

"Ne nuk shohim se çfarë do të ndryshonte po patëm një sipërfaqe zyrtare, në çfarë mënyre kjo do të largonte kampet e palejuara si dhe dëmtimet kolaterale”. Për Claude Nicati, Këshilltar i qeverisë së Neuchâtelit në krye të Departamentit të Menaxhimit të Tokës, krijimi i një vendi të rezervuar për ciganët nuk do t’i parandalonte ata në asnjë mënyrë për të zgjedhur vende të tjera për instalim. Pra, ministri preferon të prekë thelbin e problemit, duke theksuar se “paqartësia ligjore është në favor të udhëtarëve, të cilët është shumë vështirë për t’i larguar. Deri në vjeshtë ai shpreson të krijojë një grup pune për të studiuar këtë çështje, diçka sikur pati iniciuar kantoni i Vaud-it.

Ndërkohë, karvanët vazhdojnë të vendosen në parkingje “Vue-des Alpes”, në territorin e komunës së Fountains (Neuchâtel), të cilat funksionojnë si zonë informale. "Këtu ne i drejtojmë këta udhëtarë, gjithçka shkon mirë”, konfirmon Pascal Luthi, zëdhënës i policisë kantonale. Kjo nuk do të thotë se qyteti nuk ka vende zyrtare për situata të tilla. Ajo që mbetët e qartë është fakti se kjo "situatë shkakton zemërimin e fqinjëve të rrethinës, e cila i takon shtetit. Banorët tregohen të shqetësuar kur shohin vendet e ndotura pas kalimit të disa komuniteteve.

"Këshilli i Shtetit duhet të bëjë rregullimet e nevojshme një herë e për gjithmonë", nervozohet Jeremy Bachmann, sekretar i përgjithshëm i Fountains. Por Claude Nicati sheh gjërat nga një kënd tjetër: "Unë dua të marr një garanci se në qoftë se ne shpallim një zonë zyrtare, nuk do të ketë asnjë problem diku tjetër".