Një pasuri përrallore nxirret nga fundi i detit

Një nëndetëse tregtare gjermane, e fundosur në ujërat afër Irlandës në vitin 1941, gjatë Luftës së Dytë Botërore, kishte pasur brenda rreth 170 tonë argjend. Ajo po udhëtonte nga India për në Angli, kur ishte fundosur.

Pas 71 vitesh, thesari i nëndetëses “Gairsoppa” është bërë objekt interesimi i kërkuesve të pasurive nënujore. Kompania e specializuar amerikane për nxjerrjen e anijeve të fundosura nga deti, “Odyssey Marine Exploration” ka nisur aksionin e nxjerrjes mbi ujë të këtij thesari.

Deri më tash janë nxjerrë gjithsej 1203 shufra argjendi, që është vetëm një pjesë e vogël nga barra e kushtueshme që bartte me vete nëndetësja gjermane. Ndërkaq, vetëm kjo sasi, sipas vlerës aktuale të argjendit në treg, do të kushtonte rreth 38 milionë dollarë.

Nëndetësja “Gairsoppa” ndodhet në thellësinë 4700 metra në jugperëndim të Irlandës.

Punimet në nxjerrjen e thesarit pritet të vazhdojnë deri në fund të shtatorit.

Sipas marrëveshjes me Ministrinë Britanike të Trafikut, kompania “Odyssey Marine Exploration” do të mbajë për vete 80 për qind të vlerës së thesarit që do të nxjerrë nga uji.