Përpjekje për shkurtimin e procedurës së azilit

Një grup pune i përbërë nga institucionet federale dhe ato të kantoneve është duke shqyrtuar mundësitë për shkurtimin e procedurës së azilit, që aktualisht zgjat edhe me vite.

Sipas planeve të tyre, në të ardhmen azilkërkuesit duhet të strehohen në qendra unike të azilit në nivel federal, ku do të vendosen edhe aktorët kryesorë për procedurë: azilkërkuesit, autoritetet dhe avokatët. Vetëm në këtë mënyrë do të shkurtohej procedura e azilit deri sa të arrinte në vetëm disa javë, thonë anëtarët e grupit punues.

Për tu realizuar kjo, duhet që pesë qendrave ekzistuese të cilat sot strehojnë 1200 azilkërkues, tu shtohet kapaciteti për 3000 sish.

Megjithatë, grupi i punës nuk mund të imagjinojë që të gjithë azilkërkuesit të grumbullohen vetëm në një qendër pranimi, siç praktikohet në Holandë, prej nga është marrë modeli i punës.