Partitë: Sa më të djathta - aq më të pasura

Ndarja e parave në skenën politike të Zvicrës nuk është e balancuar, ka konstatuar një studim i realizuar nga Universiteti i Cyrihut, me porosi të Këshillit Federal.

Studimi ka ardhur në përfundimin se partitë politike të spektrit të djathtë dhe organizatat ekonomike ndajnë dukshëm më shumë mjete financiare për fushatat zgjedhore ose të referendumeve krahasuar me partitë e majta dhe me sindikatat.

Në pesë nga gjashtë votimet e marra për studim, partitë e djathta kanë dhënë dyfish më shumë para për reklamë se sa të majtat. Megjithatë, sipas këtij studimi nuk bën të mbivlerësohet ndikimi i parasë në vendimet politike. Këtë e tregojnë edhe rastet kur fushatat që kanë kushtuar shumë shtrenjtë, kanë dalë të pasuksesshme për bartësit e tyre.

SVP-UDC n ë legjislaturën e kaluar parlamentare 2008-2011 ka shpenzuar 21 milionë franga në fushata, që është sa 40 përqindëshi i shpenzimeve të të gjitha partive marrë së bashku. FDP-PLR, me 11 milionë të shpenzuara zë vendin e dytë, respektivisht 25% të shumës së përgjithshme. CVP-PDC ka shpenzuar 6 milionë franga për fushatat zgjedhore, ndërsa SP-PS, 4 milionë franga.