Politikani i SVP-së në krye të Swisscoy-it në Kosovë

Komandanti zviceran i trupave paqeruajtëse në Kosovë, Karl Küng, nga tetori do të zëvendësohet nga politikani i SVP-së në Brugg, Thomas Wymann.

Së bashku me më shumë se 220 ushtarë zviceranë, Thomas Wymann do të udhëtojë në tetor për në Kosovë.

Për të është angazhimi i dytë në Kosovë në kuadër të Swisscoy-it.

Wymann tashmë ishte pjesë e kontingjentit të parë zviceran në vitin 1999/2000."Kjo është një detyrë interesante. Ekziston edhe një shenjë e besimit që më është propozuar kjo detyrë", tha komandanti i ri zviceran i Swisscoy-it në Kosovë, politikani i SVP-së, Thomas Wymann.

Ai thotë të jetë situata e sigurisë në Kosovë e qetë dhe stabile.

“Vetëm në veri, pranë kufirit me Serbinë, situata është tensionuar. Këtu situata mund të ndryshojë me shpejtësi”, tha Thomas Wymann.

Një nga detyrat kryesore e Swisscoy-it është mbledhja e informacioneve. Ushtarët do të komunikojnë me qytetarë dhe me zyrtarë lokalë. Informacionet e mbledhura do t’i shërbejnë KFOR-it të identifikojë më herët problemet, tha Thomas Wymann.

Oficeri zviceran, Thomas Wymann, është edhe politikisht aktiv në Brugg. Ai është përgjegjës i SVP-së në Këshillin e qytetit të Brugg-ut.

Përveç kësaj, ai do të marrë pjesë edhe në zgjedhjet e vjeshtës. Për aktivitetet e tij politike Wymann Thomas nuk dëshiron të flasë.

Tani për tani, Thomas Wymann nuk i intereson politika, por vetëm pozicioni i tij në krye të Swisscoy-it.

Mandati i Wymannit në Kosovë do te zgjasë nga tetori i këtij viti deri në prill të 2013-ës.