Së shpejti, fluturime Linz - Prishtinë

Duke filluar nga 22 dhjetori i këtij viti do të futet në funksion linja ajrore Linc –Prishtinë dhe anasjelltas. Kështu, për herë të parë kosovarët dhe të tjerët me qëndrim në landin Oberösterreich të Austrisë do të kenë lidhje të drejtpërdrejtë me Kosovën.

Linja, e udhëhequr nga Belle Air, do të mbahet një herë në javë, çdo të shtunë. Aeroplani do të niset nga Prishtina në drejtim të Lincit në orën 12:30 ndërsa do të mbërrijë në orën 14:20. Fluturimi në drejtim të kundërt do të jetë pas njëzet minutash të qëndrimit të aeroplanit në aeroport.

Fluturimet Linz-Prishtinë dhe anasjelltas mund të bëhen edhe më të shpeshta qysh në sezonin e ardhshëm veror, në varësi të kërkesave, thonë në Aeroportin e Linzit., shkruan austrian aviation net.

Vjena, duke filluar nga qershori, është e lidhur me Prishtinën me katër fluturime në javë, të udhëhequra nga Belle Air Europe. Ndërsa aktualisht mungojnë lidhjet e drejtpërdrejta të Vjenës me Shkupin.