Shitet 3.5 milionë euro CD-ja me të dhëna tatimore

Në landin gjerman Nordrhein Westfallen (NRW) sipas të gjitha gjasave është shitur sërish një CD me të dhëna tatimore nga Zvicra. Kësaj radhe bëhet fjalë për të dhüenat e klientëve të bankës private të Cyrihut, Couts, që është një filialë e bankës britanike “Royal Bank of Scotland, raporton “Financial Times Deutschland”.

Ndjekësit gjermanë të personave që i ikin pagesës së tatimeve, në marrëveshje me Ministrinë e Financave të këtij landi kanë paguar për këtë CD plotë 3. 5 milionë euro, shkruan gazeta. Në të gjenden të dhënat tatimore të 1000 shtetasve gjermanë që i kanë bishtnuar detyrimit të tatimeve.

Landi NRW edhe në muajin mars kishte blerë një Cd me të dhëna tatimore. Ky land, duke blerë edhe CD-në e dytë, po dëshmon se është kundër marrëveshjes së tatimeve, të nënshkruar pak kohë më parë në mes të Gjermanisë dhe Zvicrës.