Shqiptari, kompromis me kazinon: Merr "vetëm" 1 milion euro

Shqiptari nga Zvicra, Behar Merlaku është dorëzuar, duke u kënaqur me “vetëm” një milion euro, në vend të 43 milionë sa i kishte kërkuar nga kazinoja e Bregenzit, Austri.

Historia e 26 vjeçarit nga Zvicra kishte nisur në mars të vitit 2011, me një gabim teknik të automatit të kazinos, i cili në ekran kishte treguar shifrën prej 43 milionë eurosh. I bindur se e kishte fituar këtë shumë, Behari e kishte kërkuar atë nga menaxhmenti i kazinos (Casinos Austria AG). Ata nuk kishin dashur të dëgjonin, duke u arsyetuar se bëhet fjalë për një gabim softueri, pasi që në kazinon e tyre nuk ka fitime milionëshe.

Ndërsa Merlaku kishte marrë avokatin dhe ishte nisur rrzugüës së gjatë për të kërkuar shumën e patrave, që, sipas tij, e kishte fituar.

Një vit e gjysmë më vonë, pas disa seancave gjyqësore, duket se Behari ka pranuar kompromisin “e dhimbshëm”: Ai, sipas gazetës austriake “Heute” ka arritur marrëveshje jashtëgjyqësore me kaznon e Bregenzit, që  të heq dorë nga kërkimi i 43 milionë eurove, duke pranbuar të marrë 1 milion euro në emrin e fitimit.

Në procesin gjyqësor të mbajtur në janar të këtij viti në Gjykatën e landit në feldkirch, bëhej fjalë për një dëmshpërblim prej 5 milionë eurosh. Sipas avokatit të Merlakut, Casinos Austria AG i kiishte ofruar atij 500 mijë euro, që nuk i mbushte aspak syrin klientit të tij.

Në muajt në vazhdim, dy palët në kontest duket të jenë pajtuar për shumën e kompromisit, 1 milion euro. “Procesi gjyqësor  nuk do të vazhdojë më” ka thënë një zëdhënësi i gjykatës për mediet austriake.

Ndërsa në casino Austria AG nuk japin informata rreth asaj që thuhet në gazetën “Heute” se Behar Merlaku është pajtuar që si dëmshpërblim të marrë 1 milion  euro.