Stopimi i emigracionit, me pasoja për Zvicrën



Iniciativa e “Ecopop” synon të mbrojë mjedisin nga "mbipopullimi" në Zvicër.

Nëse pranohet një iniciativë e tillë për të ndaluar emigracionin do të ketë pasoja të mëdha për tregun e punës, institucionet sociale dhe do të ndikojë në prishjen e marrëdhënieve me BE-në.

Aktivistët e “Ecopop”-it kanë thënë se kanë nënshkrimet e nevojshme për të lansuar iniciativën popullore "Stop mbipopullimit".

Me këtë rritja e popullsisë do të jetë i kufizuar nga emigracioni në 0.2 për qind të popullatës, që është në rreth 16 mijë njerëz në vit, raporton “20min”. 

Qeveria dhe Parlamenti janë duke punuar pë një kundërpropozim të iniciativës radikale të “Ecopop”-it për vitin 2015. 

Ruth Derrer Balladore në organizatën e punëdhënësve, përgjegjës për tregun e punës, ka thënë se kjo iniciativë ka pasoja katastrofale. 

Do të rezultojë me një mungesë ekstreme, ngase në vend të 50 mijë të huajve, do të vijnë vetëm 16 mijë, duke përfshirë azilkërkuesit dhe bashkimin familjar.  

“Zvicra nuk mund të ketë nevojë vetëm për mjekë, arkitektë, inxhinierë dhe studiues, por edhe për punëtorë të tjerë”, tha Balladore. 

Andreas Thommen nga “Ecopop” duke argumentuar iniciativën e tyre tha se rënia e produktit bruto të brendshëm për kokë banori është interpretuar si shenjë se pagat janë në presion nga emigracioni. 

Gjithashtu është e padiskutueshme që do të ketë implikime me Brukselin nëse kalon iniciativa e “Ecopop”-it.

Dieter Freiburghaus, profesor i shkencave politike në Lausanne, ka thënë se kufizimet e tilla të përfshira në peticion nuk mund t’i pranojë BE-ja. 

Çështjet e ngritura nga iniciativa “Ecopop”, si dhe debatin që e ka nxitur SVP kundër emigracionit do të jenë në fokus të politikës zvicerane në vitet e ardhshme. 

Në një sondazh të revistës javore "L'Hebdo" të vitit 2011, 59 për qind e të anketuarve janë për kufizimin e emigracionit.