Tunizia ia kërkon Zvicrës paratë e bllokuara

Presidenti i Tunizisë, Moncef Marzouki ka kërkuar nga autoritetet zvicerane që shtetit të tij t`i dorëzohen të hollat që gjenden në kontot zvicerane dhe që thuhet se i takojnë ish presidentit Ben Ali.

Vetë Ben Ali, i cili nga viti 2011 jeton në azil në Arabinë Saudite, sipas avokatit të tij, e ka autorizuar këtë kërkesë. Kjo, me gjithë faktin se sipas avokatit, Ben Ali nuk ka para të deponuara në Zvicër.

Megjithatë, në Zvicër janë bllokuar rreth 60 milionë franga me prejardhje nga Tunizia.

Marzouki i ka premtuar ish presidentit të vendit që, në rast se kthehet në Tunizi, atë do ta presë një proces i drejtë gjyqësor dhe nuk do të ketë cënim të integritetit të tij fizik.