Zviceranët reagojnë ndaj spotit elektoral të Obamas



Ambasada zvicerane në Washington ka reaguar ndaj kampit elektoral të presidentit Barack Obamas, të cilët po përdorin një spot elektoral kundër kandidatit republikan, Mitt Romneyn, ku paraqitet Zvicra si një parajsë tatimore.

Në video shihet një bjondinë zvicerane që jeton në botën e të pasurve, të kandidatit presidencial nga radhët e republikanëve Mitt Romneyn, miliaderit që ka llogari bankare në gjithë botën.

„Videoja jep përshtypjen se nëse keni një llogari bankare në Zvicër dyshoheni për evazion fiskal", thekson Departamenti Federal i Punëve të Jashtme (EDA) në një reagim të publikuar nga mediat zvicerane. 

Në video elektorale shihet një bjonde me gërsheta që ndihmon Mitt Romneyn, kundërshtarin e Obamas në garën e Shtëpisë së Bardhë, për të fshehur paratë e tij në bankat zvicerane.

Në këtë mënyrë janë sulmuar republikanët nga demokratët, ngase Mitt Romneyn nuk ka deklaruar gjendjen financiare.

Në video shfaqet lista e vendeve ku Mitt Romney posedon llogari bankare.

Përveç Zvicrës, janë edhe Luksemburgu, Ishujt Kajman dhe Irlanda.

Në korrik, revista amerikane Vanity Fair zbuloi se Mitt Romney kishte një llogari bankare në Zvicër me tre milionë dollarë vetëm në bazë të detyrimeve tatimore.