Zvicra, e gatshme t`ia kthejë paratë Egjiptit

Ministri i punëve të jashtme i Zvicrës, Didier Burkhalter me rastin e vizitës së tij në Egjipt ka zhvilluar takime me kryeministrin e këtij vendi, Kandil dhe ministrin e jashtëm, Amr. Në këto takime është bërë fjalë për bashkëpunimin në mes të dy vendeve.

Ndërsa temë konkrete e bashkëbisedimit ka qenë paratë e eksponentëve të regjimit të vjetër egjiptian, të deponuara në Zvicër, e të cilat pas revolucionit në Egjipt, Zvicra i pati bllokuar.

Me këtë rast ministri Burkhalter ka deklaruar se Zvicra është e gatshme t`ia dorëzojë këto të holla qeverisë së re të Egjiptit. Por, për shkak të opsioneve të ankesës, kjo gjë mund të marrë një kohë të caktuar, ka thënë ministri.

Sipas prokurorisë federale, në Zvicër janë “ngrirë” rreth 700 milionë dollarë të regjimit të ish presidentit egjiptian, Mubarak.