Një ndihmë efektive për zhvillim rrit emigrimin

Ndihma për zhvillim nuk e frenon emigracionin nga vendet e varfra në Zvicër. Në të kundërtën, në qoftë se është efektive, ajo hap shtigje të reja për emigrantët potencialë. Ky është përfundimi i një studimi të “Foraus”-it, një forum i pavarur që trajton çështjet për politikën e jashtme të Zvirës.

Nuk është mjerimi i padurueshëm që shtyn njerëzit të emigrojnë, por një fitim ekonomik i mjaftueshëm për të marrë përsipër rrezikun dhe koston e udhëtimit për migrim. Nisja e zhvillimit ekonomik të një vendi ka tendencë të rritë emigrimin: shtresat e reja të mesme të vendeve në zhvillim përfaqësojnë një potencial të madh për emigracionin.

Ky fenomen quhet "xhunga e migrimit", nuk ka ende një jehonë në debatet rreth migrimit, vë në dukje “Foraus” në studimin e tij lëshuar të enjten. Qeveria federale dhe partitë politike injorojnë këtë sfidë qendrore: potencial shumë i madh i migracionit i lidhur me zhvillimin ekonomik në vendet me të ardhura të mesme dhe të ulëta, një temë e rëndësishme për politikat migratore të ardhshme.

Nuk është në pyetje ndihma për këto vende

“Foraus” nuk vë në pyetje ndihmën për zhvillim. Ky studim vë në dyshim besueshmërinë e argumenteve të qeverisë federale, e cila premton përfitime në aspektin e komunikimit, duke argumentuar se ndihma për zhvillim zbret imigracionin.

Sipas “Foraus”, kjo strategji është e rrezikshme: ajo krijon shpresa të rreme, duke premtuar një zbritje të shpejtë në emigracionin. Qeveria federale ka krijuar shpresa të ekzagjeruara në lidhje me aftësinë e Zvicrës për rregullimin e migracionit, thuhet në këtë studim.

Nga ana tjetër, ekziston rreziku që ndihma për zhvillim nuk është përdorur për uljen e varfërisë, qëllimin e saj parësor, por për të rregulluar flukset e migracionit. Burimet e investuara në rajon duhet të jenë në përputhje me potencialin e saj të zhvillimit dhe jo në bazë të " potencialit të saj të mundshëm" të emigracionit në Zvicër.