Bota
Katalonja shpall pavarësinë
Ligjvënësit e Parlamentit të Katalonjës kanë mbajtur votim të fshehtë, por pa pjesëmarrjen e opozitës. Për shpalljen e pavarësisë kanë votuar 70 deputetë, 10 kanë qenë kundër dhe 2 kanë abstenuar
Pak më parë Parlamenti i Katalonjës ka shpallur pavarësinë e vendit nga Spanja.
Ligjvënësit kanë mbajtur votim të fshehtë, por pa pjesëmarrjen e opozitës.
Kryeministri i Spanjës, Mariano Rajoy, bëri thirrje për qetësi dhe tha se sundimi i ligjit do të rikthehet në Katalonjë.
Këtë muaj, Katalonja ka mbajtur një referendum për pavarësi të cilin Madridi e ka shpallur jokushtetues.
Rajoy tha se kërkon masa të jashtëzakonshme, sepse nuk ka zgjidhje tjetër dhe se në Katalonjë duhet të kthehet “ligji, demokracia dhe stabiliteti”.
Ai akuzoi Qeverinë e Katalonjës për ndarje të familjeve dhe përçarje të shoqërisë.
Votimi në Parlamentin e Katalonjës vjen pas dy javë negociatash të tensionuara ndërmjet Madridit dhe Barcelonës.
Për shpalljen e pavarësisë kanë votuar 70 deputetë, 10 kanë qenë kundër dhe 2 kanë abstenuar.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe