E-Diaspora
Kënga “Mjaft”, një apel në mbrojtje të lumturisë së fëmijëve
Kënga e Orhan Ibrahimit dhe Artan Kastratit i thotë “Mjaft” çdo gjëje që kërcënon lirinë, paqen dhe lumturinë e fëmijëve
Orhan ibrahimi është nga Shkupi, qytet ku ka mbaruar gjithë shkollimin, përfshirë edhe studimet në lëmin e psikologjisë. Ai që nga viti 2006 jeton në qytetin Rapperswil të Kantonit St. Gallen, Zvicër. Këtu punon në profesionin e vet, si pedagog social në institucionin për fëmijë me aftësi të kufizuara mendore “Johaneum”.
Kaq sa i përket profesionit të tij. Por ajo që e bën më të veçantë Orhanin është pasioni i tij për muzikën.
“Ditëve të fundit kemi përfunduar një këngë në bashkëpunim me Artan Kastratin. Këngën e kemi titulluar “Mjaft”. Po ashtu me Kastratin kemi realizuar së bashku edhe një album”, thotë për albinfo.ch Orhan Ibrahimi.
“Këngët janë kryesisht të zhanrit Rock dhe Blues ndërsa tematika e tyre është sociale. Po kështu, tematikë të fortë sociale ka edhe kënga më e re “Mjaft”, e cila ka një porosi të qartë. Ajo i thotë “Mjaft” çdo veprimi a dukurie që kërcënon lirinë, paqen dhe lumturinë e fëmijëve po edhe të njerëzve në përgjithësi, anembanë botës”, thekson Ibrahimi. Kjo tematikë me siguri lidhet edhe me angazhimet e tij ditore si pedagog social i fëmijëve me nevoja të veçanta. Nisur nga kjo, Orhani thotë për albinfo.ch se është i interesuar që kënga e tij më e re të përhapet sa më shumë, në mënyrë që mesazhi i saj të përçohet gjithandej.
Kjo këngë pulson me frymën e një himni që u kushtohet fëmijëve dhe të drejtave të tyre.
Orhan Ibrahimi, krahas punës në profesion dhe muzikës ka dhe një angazhim tjetër: ai punon si mbikëqyrës i kategorive F në Klubin e Futbollit FC Rapperswil.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?