Integrimi

Këshilli i Mësimit Plotësues në Gjuhën Shqipe në Bavari, me kryesi të re

Pas debateve të zhvilluara, u zgjodh kryesia e gjerë e Këshillit të Mësimit Plotësues në Gjuhën Shqipe në Bavari prej 19 anëtarëve, te cilët zgjodhën Kryesinë e re

Të dielën, më 23 prill, në Munih-Bavari të Gjermanisë në prani të mësueseve dhe mësuesve, Këshillit të prindërve, shoqatave dhe perfaqësuesve të bizneseve që jetojnë dhe veprojnë në Bavari, u mbajt Kuvendi Themelues për Mësim Plotësues në Gjuhën Shqipe.

Siç bëhet e ditur nga një komunikatë e dërguar nga zëdhënësja e posazgjehdur e këtij këshilli, Lorita Ismaili,  në Kuvend të pranishëm ishin Ministri i Arsimit, Shkencës dhe Teknologjisë së Republikës së Kosovës Arsim Bajrami me stafin e tij, Ministri i Diasporës së Republikës së Kosovës Valon Murati, si dhe drejtori i Departamentit për Arsim dhe Kulturë në Diasporë Avdyl Lipoveci.
I pranishëm ishte edhe Konsulli i Përgjithshëm i Republikës së Shqipërisë Arten Hanku, si dhe Konsulli i Përgjithshëm i Republikës së Kosovës Naser Idrizi, Këshilltari Faket Kajtazi dhe Konsulli Hamdi Reqica.
Kuvendin e hapi prof. Mustafë Krasniqi, i cili dër të tjera tha se projekti për mësim plotësues në gjuhën shqipe “ka gjetur një përkrahje të fuqishme tek Konsullata e Republikës së Kosovës, konkretisht nga Konsulli i Përgjithshëm i Rep. së Kosovës Naser Idrizi, e cila vuri në veprim njërin ndër punëtorët e saj të devotshëm, Konsullin Hamdi Reqicën, njëkohësisht duke e falënderuar edhe Këshilltarin Faket Kajtazin. Reqica tashmë është bërë shtylla kryesore e këtij projekti, qoftë në veprime konkrete dhe ato këshilluese.

Në këtë projekt ishte e angazhuar edhe Ministria e Diasporës, e cila angazhoi Drejtorin e Arsimit dhe Kulturës, Avdyl Lipovecin.
Këtë nismë e përkrahu edhe Konsulli i përgjithshëm i Republikës së Shqipërisë Arten Hanku”, tha veç tjerash Krasniqi.
Në përfundim të fjalës, Krasniqi ftoi panelin e zgjedhur nga kryesia e punës, për ta drejtuar Kuvendin deri në zgjedhjen e kryesisë së re.
Paneli drejtues përbëhej nga Fran Tanushi, Donika Zonja, Isuf Bytyçi dhe Konsulli Hamdi Reqica.
Ndërkohë fjalën e morën Ministri i Arsimit, Arsim Bajrami, Ministri i Diasporës Valon Murati, Konsulli i  Përgjithshëm i Shqipërisë Arten Hanku, si dhe Konsulli i  Përgjithshëm i Kosovës Naser Idrizi.

Pas mbarimit të pjesës së parë, me një pushim të shkurtër filloi pjesa e dytë, e cila ishte më sfiduese, me debate të shumta, ku si pikë referimi ishte rregullorja e punës.
Pas këtyre debateve u zgjodh kryesia e gjerë e Këshillit të Mësimit Plotësues në Gjuhën Shqipe në Bavari prej 19 anëtarëve, te cilët zgjodhën Kryesinë e re me këtë përbërje: Mustafë Krasniqi, Kryetar, Donika Zonja, Nënkryetare, Tefik Jahaj, Nënkryetar, Fran Tanushi, Nënkryetar, Isuf Bytyçi, Sekretar , Agron Ibrahimi, Arkëtar , Lorita Ismaili, Zëdhënëse e Këshillit.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/keshilli-i-mesimit-plotesues-ne-gjuhen-shqipe-ne-bavari-me-kryesi-te-re/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.