Sporti

Komiteti Olimpik s’po bën asgjë për të ndalur korrupsionin”

Së fundmi, policia kishte bastisur shtëpinë e Carlos Nuzmanit, shef i Komitetit Olimpik të Brazilit, pasi kishin pasur “prova të forta” se ai kishte blerë vota për të siguruar Lojërat Olimpike “Rio 2016”

Komiteti Ndërkombëtar Olimpik po akuzohet se “s’po bën asgjë” për të ndalur rritjen e korrupsionit. Këto akuza vijnë nga zyrtari i lartë Dick Pound.

Disa zyrtarë të IOC janë përfshirë në çështjet korruptive më 2017. Së fundmi, policia kishte bastisur shtëpinë e Carlos Nuzmanit, shef i Komitetit Olimpik të Brazilit, pasi kishin pasur “prova të forta” se ai kishte blerë vota për të siguruar Lojërat Olimpike “Rio 2016”.

“Kemi pasur goditje të mëdha në kredibilitet. Çdo herë që një anëtar i IOC është i përfshirë në diçka të tillë ne po humbim më shumë kredibilitet”, ka thënë Pound për BBC.

Të hënën, presidenti i IOC, Thomas Bach, ka thënë se kjo organizatë do të veprojë ndaj korrupsionit sapo që të gjejë një provë. Por kanadezi Pound ka reaguar në mbledhjen e bordit ekzekutiv. “Çfarë jemi duke bërë me këto reagime dhe nuk po bëjmë asgjë? Duhet të dimë se s’kemi bërë mjaftueshëm”, ka thënë ai.

72-vjeçari Nuzman akuzohet se kishte ndërhyrë me pagesa me cash për të ndikuar në përkrahje brenda IOC-ut.