E-Diaspora
Konfirmon vajza e shqiptarit të vrarë: Po, babai im është vrarë për gjakmarrje
Dëshmitarja 19 vjeçe ka konfirmuar atë që supozohej: se vrasja në Viselhövede ka ndodhur nga gjakmarrja
Në procesin që po zhvillohet në Gjykatën e Landit në Verden lidhur me vrasjen nga hakmarrja që ka ndodhur në janarin e vitit të kaluar në Viselhövede, një dëshmitare 19 vjeçe ka konfirmuar atë që supozohej: se vrasja ka ndodhur nga gjakmarrja, shkruan nord24.de.
E gjithë tragjedia ka filluar më 30 dhjetor 2011 në Shqipëri. Babai tashmë i vrarë i dëshmitares, si punonjës i sigurisë në një diskotekë i kishte nxjerrë dy të rinj nga lokali. Kur këta pas pak paraqiten sërish, në parkingun para diskotekës fillon sherri në mes tyre dhe rojës, me ç`rast ky i fundit qëllon njërin prej tyre për vdekje, transmeton albinfo.ch. Policia po atë natë e ka bastisur shtëpinë e familjes ndërsa nënën e vajzës e ka këshilluar që të kishte kujdes për familjen e saj…
Qysh me rastin e varrimit të të riut të vrarë, njëri nga vëllezërit e tij ishte betuar se do të nxirrte hakun. Ky vëlla dhe personi i vrarë janë kushëri të të akuzuarit për vrasjen e kryer nga hakmarrja, në procesin e Verdenit.
Ndërsa vajza që po dëshmon, tregon se së bashku me vëllezër e motra dhe me kushërinj, ishin strehuar te gjyshërit në fshat, përcjell albinfo.ch. Ndërkaq e ëma kishte mbetur të banonte në Tiranë ku, në gushtin e vitit 2012 kishte vdekur në mënyrë misterioze.
Familja e vajzës kishte provuar disa herë të merrej vesh me familjen tjetër. “Janë dërguar pleqtë e fshatit si ndërmjetësues për të realizuar pajtimin dhe paqen mes familjeve. Por ata janë kthyer mnbrapsht nga familja e të riut të vrarë”.
Në një gjendje të tillë, familja e saj është arratisur në Gjermani, ku nga fundi i vitit 2016 i është bashkuar edhe babai, pasi ka mbaruar vuajtjen e dënimit. Edhe pas kësaj kishin upërpjekjet për të arritur pajtimin, pasi që familja e saj dëshironte të jetonte në paqe, thotë dëshmitarja. Por, më 9 janar 2017, babai i saj qe qëlluar për vdekje, në mes të qytetit Viselhövede, fare pranë një shkolle fillore.
Procesi vazhdon më 25 janar.
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar Kompensimi është llogaritur për nëntë muaj, duke pasur parasysh që vendasja e Ticino-s mori rolin në...
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane
-
Çka është letra e referencës që ju nevojitet për nënshtetësinë zvicerane?
-
FMN: Zvicra duhet të forcojë kontrollin e sektorit të saj financiar