E-Diaspora
Kori “Siparantum” i Pejës, me koncerte në Kroaci
Koncerti i parë do të jetë në Petrinje në kuadër të koncertit koral që i dedikohet kompozitorit italian Domenicco Bartolucci
Kori “Siparantum Choir” që mban emrin e qytetit antik të Pejës, nga data 26 deri 30 Maj do të qëndrojë në Kroaci ku do të shfaqë katër koncerte recitale, bëhet e ditur në një njoftim me shkrim nga kori.
Koncerti i parë do të jetë në Petrinje në kuadër të koncertit koral që i dedikohet kompozitorit italian Domenicco Bartolucci. Siparantum në këtë mbërmje do të jetë mysafir i korit HPD “Slavulj”-Petrinje, që është njëri prej koreve më të vjetra në Kroaci i themeluar në vitin 1864.
Me datën 28 Maj do të shfaqen dy koncerte, njëri do të jetë në Zagreb në San Paul, ku do të interpretohen vepra të kompozitorëve të njohur botërorë për të vazhduar në mbrëmje me koncertin recital që mbahet në sallën e njohur koncertale “POU Hrvatski” në Petrinje duke filluar nga ora 20:00. Në këtë koncert do të interpretohen vepra të kompozitorëve të njohur botëror si: Bach, Whitacre, Bartolucci, Runestad, Preisner, Degl Ivellio etj. dhe duke përfshirë vepra të kompozitorëve shqiptarë nga ISO polifonia shqiptare dhe veprën e kompozitores shqiptare “Bum” nga Dafina Zeqiri Nushi e cila u realizua Premierë në festivalin DAM.
“Kjo do të jetë një ngjarje e rëndësishme kulturore dhe jo vetëm për ne. Për këtë program jemi duke punuar në mënyrë intensive. Natyrisht dua t’i falenderoj gjithë antarët e korit Siparantum për mundin dhe sakrificen, gjithë ata që na përkrahen në këtë rrugë. Besoj që do të kthehemi me rezultate dhe kritika pozitive” u shpreh dirigjenti Memli Kelmendi.
Pjesë e frymës “Siparantum” do të jetë edhe mjeshtri i polifonisë shqiptare, Hysni Zela i cili do të bëjë një bashkëpunim me korin Siparantum duke kënduar pjesë polifonike shqiptare si “Janinës ç’i panë sytë” dhe “Këngë Turpi”.
“Besoj që kjo do të jetë diçka shumë interesante për publikun kroat dhe veçanërisht për neve sepse kjo është ideja që motivet tona t’i prezantojmë nëpër vende të ndryshme të botës. Kjo do të jetë diçka e bukur besoj” tha Kelmendi
Pjesë e disa koncerteve me korin “Siparantum” si dirigjent musafir do të jetë mjeshtri i muzikës kroale Josip Degl’ Ivellio nga Kroacia i cili do të dirigjoj veprat e tij me korin tonë. Josip Degl’ Ivellio ka qenë dirigjent musafir me korin “Siparantum”
“Jemi të kënaqur me punën dhe tashmë çdo gjë është gati. Besoj që puna e bërë tash e sa muaj do të shpërblehet me sukses. I falenderoj të gjithë për përkushtimin”, u shpreh kryetari i korit “Siparantum” Fatmir Bajraktari
Kori “Siparantum Choir” debutimin e parë e bëri muajin e kaluar në festivalin “DAM” në Prishtinë për të vazhduar me koncerte recitale në qytete të ndryshme të Kosovës. Dirigjent përmanent i korit është dirigjenti Memli Kelmendi, thuhet në fund të njoftimit.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?