Lajme
Kosova e gatshme t’i pranojë 500 refugjatë
“Mikpritja evropiane shpëtoi kombin shqiptar dhe për këtë Kosova do të jetë gjithmonë mirënjohës”, tha Thaçi duke shprehur gatishmëri për pranimin e 500 refugjatëve
Shefi i diplomacisë kosovare, Hashim Thaçi shprehu gatishmërinë e Kosovës për të pritur rreth 500 refugjatë nga Siria dhe vendet tjera të Lindjes së Mesme. Këtë deklarata Thaçi e bëri në Konferencën e Nivelit të Lartë për Mesdheun Lindor-Ballkanin Perëndimor që u mbajt në Luksemburg.
“Ne e dimë se rrugët ndryshojnë dhe ne po i ndjekim gjërat nga afër dhe po përgatitemi për çfarëdo zhvillimesh. Kosova dëshiron të jetë pjesë e projekteve për t’u marrë me këtë sfidë të re. Kjo është arsyeja pse kemi shprehur gatishmërinë për të marrë rreth pesëqind refugjatë nëse është e nevojshme”, ka thënë Thaçi.
Ai tha se si qytetar i Kosovës, e kujton fare mirë se çfarë do të thotë të jesh refugjat, por edhe rëndësinë e gjetjes së solidaritetit, kujdesit dhe zgjidhjes ndaj krizës. Mikpritja evropiane, sipas tij, shpëtoi kombin shqiptar dhe për këtë “ne do të jemi gjithmonë mirënjohës. Sot, Evropa po përballet me një valë të re refugjatësh”.
“Ne duhet të veprojmë se bashku dhe të përgjigjemi duke dëshmuar edhe një herë solidaritet dhe kujdes, por edhe të kërkojmë zgjidhje për konfliktet që po prodhojnë mijëra refugjatë. Prandaj, edhe Kosova ishte vend origjine i refugjatëve, por jo më. Ne u përballëm me një valë të migrimit në fillim të këtij viti, por ishim të suksesshëm në ndalimin saj”, tha ai.
Bashkësia ndërkombëtare, siç tha Thaçi, duhet të pranojë Kosovën si anëtare aktive të saj dhe duhet ta mbështes duke hequr regjimin e vizave, bazuar në përmbushjen e kritereve.
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Cyrihu po teston airbag-ët për tramvaj Projekti i filluar në dhjetor 2021 pritet të përfundojë në verën e vitit 2024...
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën