Lifestyle
Kosovarja nga Gjermania përfaqëson Kosovën në “Miss Intercontinental”
Spektakli “Miss Intercontinental 2018” ku Kosovën e përfaqëson Kosovare Neziri, do të mbahet më datën 24 janar në Hurghada të Egjiptit
Bukuroshja shqiptare, Kosovare Neziri përfaqëson Kosovën në eventin e bukurisë “Miss Intercontinental 2018” që do të mbahet në Hurghada të Egjiptit. Në këtë spektakël të bukurisë marrin pjesë vajza nga shtete të ndryshme të botës, raporton “albinfo.ch”.
Kosovarja është nga Ferizaj, kurse jeton në Düsseldorf të Gjermanisë. Ajo ka përfunduar studimet për fashion – dizajn.
Pjesëmarrja në spektaklet e bukurisë, për Kosovaren nuk është kjo sfida e parë. Muaj më parë ajo fitoi vendin e tretë në konkursin e bukurisë “Miss Nordrhein Westfalen” dhe vendin e parë në “Miss Niederrhein”, suksese këto që ia mundësojnë automatikisht të jetë pjesë e garës së madhe “Miss Gjermania 2018”.
Në anën tjetër, oferta për ta përfaqësuar Kosovën, për Kosovaren ishte një gëzim i papërshkruar.
“Jam shumë e gëzuar. E kam ëndërruar që një ditë ta përfaqësoj Kosovën”, thotë ajo për “albinfo.ch”.
Oferta për të qenë pjesë e kësaj gare, 24 vjeçarja thotë se i erdhi nga organizatorët e “Miss Intercontinental Gjermania” të cilët ia siguruan licencën që të përfaqësojë Kosovën në këtë spektakël.
“Të përfaqësosh vendin prej nga ke prejardhjen të bën të ndihesh jashtëzakonisht krenare”, theksoi bukuroshja Neziri e cila shpreson për rezultat të mirë.
Pas përfundimit të kësaj gare, Kosovare Neziri synon që të jetë pjesë e spektaklit “Miss Universe”, ndërkohë thotë se në të ardhmen do t’i përkushtohet maksimalisht profesionit të saj si dizajnere e modës.
Spektakli “Miss Intercontinental 2018” do të mbahet më datën 24 janar në Hurghada të Egjiptit.
E-Diaspora
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro Bëhet e ditur se rreth 88 milionë euro është vlera preliminare e dërgesave të mërgatës që...
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
Jeta në Zvicër
-
Ja si duken fanellat e reja të Zvicrës në Kampionatin Evropian Fanellat e reja të kombëtares së Zvicrës janë prezantuar dy muaj e gjysmë para fillimit të...
-
Ndërprerje e transportit publik në Gjenevë
-
Numër rekord i turistëve amerikanë në pistat zvicerane të skive
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja