Lajme
Kosovë, arsimi e shëndetësia në grevë
Greva po zbatohet në shumicën e shkollave kosovare, ndërsa në shëndetësi po punon vetëm sektori emergjent
Dy sektorët e rëndësishëm të Kosovës, shëndetësia dhe arsimi kanë hyrë në grevë njëditore në shenjë pakënaqësie me Qeverinë e Kosovës e cila nuk po e zbaton Kontratën Kolektive që e ka nënshkruar në prill të vitit të kaluar. Greva po zbatohet në shumicën e shkollave kosovare, ndërsa në shëndetësi po punon vetëm sektori emergjent.
Kontrata Kolektive që parashikon në kontrata afatgjate për punëtorët, shujta ditore, pagesën për udhëtim dhe pushimin e lehonisë, rregullon të drejtat e punëtorëve në sektorin publik dhe privat.
Kryetari i Sindikatës së Bashkuar të Arsimit, Rrahman Jasharaj, tha se greva një ditore vjen si pasojë e mosreflektimit të Qeverisë. Ai tha se nëse nuk do të realizohen kërkesat e tyre, mund të ketë veprime të tjera sindikale të shkallëzuara, derisa qeveria të reflektojë pozitivisht.
“Urojmë që pas kësaj greve Qeveria e Kosovës të ulet me SBASHK-un të bisedojnë konkretisht për të gjetur zgjidhje për të dalë nga kjo situatë momentaleÇ, deklaroi Jashari.
Ndërsa greva 24 orëshe po vazhdon edhe në sektorin e shëndetësisë. Blerim Syla, kryetar i Federatës Sindikale të Shëndetësisë, tha se greva po vazhdon në të gjitha sektorët, përveç shërbimit emergjent.
“Sot Federata e Sindikatave të Shëndetësisë, gjegjësisht punëtorët shëndetësorë kanë filluar grevën nga ora 7- të e mëngjesit. Fillimisht kërkojmë ndjesë nga qytetarët dhe i lusim ata të na mirëkuptojnë”, tha Syla, duke njoftuar se greva do të zgjasë deri në orën 7 të mëngjesit të së shtunës.
Ndërsa duket se kjo grevë nuk e ka bindur kryeministri Isa Mustafa që t’i plotësojë kërkesat e arsimit e shëndetësisë. Ai iu ka thënë sindikalistëve gjatë takimit në zyrën e tij se nuk do të bëjë veprime nën presionin e tyre, që do të çonin në implementimin e Kontratës Kolektive e as në realizimin e kërkesave të tjera.
Qeveria e Kosovës edhe më herët ka paralajmëruar se zbatimi i Kontratës Kolektive në tërësi nuk do të mund të realizohet deri në rishqyrtimin e buxhetit të Kosovës, në muajin qershor.
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Cyrihu po teston airbag-ët për tramvaj Projekti i filluar në dhjetor 2021 pritet të përfundojë në verën e vitit 2024...
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën