Sport

Kukeli me Zurichun bien nga Superliga

Zurichu nuk arriti të shpëtojë edhe pse fitoi në javën e fundit ndaj Vazudit

Zurichu fitoi të mërkurën mbrëma ndaj Vazudit 3:1 edhe pse ishte duke humbur, por nuk arriti të shpëtojë në Superligën zvicerane, pasi edhe Lugano fitoi, shkruan albinfo.ch.

Për Vaduzin realizoi Albion Avdijaj, derisa vendasit u kundërpërgjigjën në fund me tre gola, por që nuk arritën të kenë vlerën e mbijetesës. Për Zurichun titullar ishte mesfushori i Kombëtares shqiptare, Burim Kukeli, i cili u aktivizua si mbrojtës deri në minutën e 83-të kur u zëvendësua. Armando Sadiku, i cili është i huazuar nga Zurichu në Vaduz nuk u paraqit fare. Pikërisht Sadiku ndihmoi Vaduzin të mbijetojë, derisa Zurichu për habinë e të gjithëve kishte rezultate negative dhe tashmë edicionin e ardhshëm do të garojë në një nivel më ulët.

Madje, Vaduz do të luajë në Ligën e Evropës, pasi ka fituar Kupën e Lihtenshtajnit.

Lugano fitoi në ndeshjen e fundit për këtë sezon 3:0 ndaj St. Gallen për të siguruar mbijetesën me 35 pikë, një më shumë se Zurich. Baseli kohë më parë ishte shpallur kampion, kurse në kualifikime të Ligës së Kampionëve do të luajë Young Boys. Në atë të Ligës së Evropës, Luzern dhe Grasshopper.