Sport
Kukelit nuk i vazhdohet kontrata me FC Luzern
Kryetari i FCL: "Nuk deshëm që një 28 vjeçari t`ia vazhdojmë kontratën trivjeçare dhe tu rrezikonim perspektivën lojtarëve të rinj"
Futbollisti kosovar Burim Kukeli, i cili prej tri vitesh luan për FC Luzernin, në ketë skuadër do të jetë vetëm deri në fund të këtij sezoni. Qendërmbrojtësit 28 vjeçar, FC Luzern ia ka kumtuar dje lajmin se nuk llogarit më në shërbimet e tij, gjegjësisht se nuk do t`i përtëritet kontrata.
Qysh tash spekulohet se ai, gjatë verës mund të kalojë te klubi Young Boys, i Bernës.
Kukeli, gjatë tri viteve sa luan në FC Luzern, ka dy vite që është lojtar titullar dhe vlerësohet për lojën ekipore që bën.
Kryetari i FC Luzern, Walter Stierli rreth mosvazhdimit të kontratës së Kukelit thotë se mosha ka qenë faktor për këtë. “Ne nuk deshëm që një 28 vjeçari t`ia vazhdojmë kontratën trivjeçare. Në atë mënyrë, do t`u rrezikohej perspektiva lojtarëve tanë të rinj”.
Por Stierli, i cili e njeh vlerësimin që gëzon Kukeli te tifozët dhe te mediet , nuk ka dashur të merrte gjithë përgjegjësinë. “Trajneri u përcaktua kundër Burim Kukelit dhe pro lojtarit 24 vjeçar Philip Muntwiler, të ardhur nga St. Galleni”, thotë ai për “Zuger Zeitung”.
Nga ana tjetër, trajneri i FC Luzern, Murat Yakin ka folur në superlativ për lojtarin kosovar. Ai ka theksuar se e ka prekur pohimi që Kukeli e ka bërë që në fillim të sezonit se është duke kërkuar një skuadër të re.
“Një qëndrim të tillë sikur ai i Burimit unë nuk kam parë deri më tash te asnjë futbollist profesionist”, thotë Yakin, duke e lavdëruar lojatrin e tij. Ai duket i pikëlluar me vendimin që ka marrë për Kukelin.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?