Vera në Vendlindje

Labinot Tahiri sërish shtron darkë për mërgimtarë

Këngëtari Labinot Tahiri edhe këtë vit do të organizojë një darkë për të gjithë mërgimtarët, nga të gjitha trevat shqiptare. Me këtë ai dëshiron të tregojë dashurinë dhe respektin që e ka për popullin e tij që jeton në diasporë.

Këngëtari Tahiri në faqen e tij në Facebook ka bërë të ditur se më datën 5 gusht do të organizohet darka e kurbetçarit. Kjo darkë, ashtu sikur vitin e kaluar, do të organizohet në qytetin e Ferizajt, saktësisht para palestrës sportive “Bill Klinton” në Ferizaj.

Labi i ka ftuar të gjithë mërgimtarët që të bashkohen rreth kësaj sofre vëllazërore.
“Mos harroni nga e gjithë shqiptaria jeni të mirëseardhur në Ferizaj, Kosovë, më datë 05 gusht 2016! Nga ora 18:00 deri orën 22:00 në mbrëmje”, njofton albinfo.ch.

Po ashtu ai u ka bërë thirrje të gjitha kompanive dhe Kuvendit Komunal që të ndihmojnë rreth këtij organizimi.

Albinfo.ch

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/labinot-tahiri-serish-shtron-darke-per-mergimtare/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.