Lamborghini s’dëshiron ta humbë zhurmën e motorit

Gjiganti italian i veturave, Lamborghini, beson se opsioni i modeleve hibride është opsion më i mirë se ai i zhurmave artificiale për të mos e humbur zhurmën e jashtëzakonshme që prodhojnë motorët e modeleve që kjo kompani prodhon.

Maurizio Reggiani, zyrtar i Lamborghinit, ka thënë për “CarAdvice” se kompania mund të zëvendësojë motorët që lirojnë më shumë gazra, por këtë do ta bëjë me asistencë hibride, transmeton Albinfo.ch.

Ai po ashtu ka thënë se kompania po planifikon të sjellë versionin hibrid edhe te modeli i ardhshëm Aventador.

Edhe pse kompania është e hapur për modelet hibride, ajo s’ka synim që të krijojë modele elektrike.