Lajme
Lavrov: Shqiptarët të mos shkojnë në zonat e banuara me serbë
Ministri i Jashtëm rus, Sergej Lavrov kërkon që në forcat etnike shqiptare nuk duhet të jenë prezentë në hapësirat e populluara nga serbë në veriun e Kosovës
Ngritja e tensioneve ndërmjet Kosovës dhe Serbisë, sidomos pasi autoritetet kosovare ndaluan hyrjen e një treni serb në territorin e Kosovës, ka ngjallur reagimi edhe në Federatën e Rusisë. Kjo e fundit, nëpërmjet ministrit të Jashtëm, Sergej Lavrov thotë se shqiptarët nuk duhet të jenë prezentë në zonat e banuara me serbë.
Lavrov në një konferencë shtypi i pasqyroi edhe zhvillimet në Ballkan. Ai tha se në Ballkan po rriten fuqishëm tensionet dhe se Bashkimi Evropian duhet të ndërhyjë për të ndihmuar në deeskalimin e situatës atje.
Po ashtu Lavrov kërkon që në forcat etnike shqiptare nuk duhet të jenë prezentë në hapësirat e populluara nga serbë në veriun e Kosovës, citon DPA, transmeton DW.
Reagimet e ministrit të Jashtëm rus, vijnë menjëherë pas incidentit në fundjavë, ku një tren i nisur nga Beogradi për të shkuar në Mitrovicë dhe i mbushur me parulla si “Kosova është Serbi” shkaktoi tensionimin e menjëhershëm të situatës në kufirin Kosovë-Serbi dhe përdorimin e deklaratave me tone luftarake nga politikanët serbë, nëse do të sulmoheshin qytetarët serbë në Kosovë.
Treni ishte donacion i Rusisë, ndërsa jashtë ishte i ngjyrosur me flamuj serb, ndërsa mbante mbishkrime në 21 gjuhë, me parullën “Kosova është Serbi”. Në tren kishte ekstremistë serb, ndërsa atyre iu premte ministri për Kosovën në Qeverinë e Serbisë, Marko Gjuriq. Ky i fundit ka ndalesë për hyrje në Kosovës nga autoritete kosovare.
Të tjera nga Lajme
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe