Shkurt.ch

Leuthard zbret parapagimin për transmetuesin publik: 1 frang në ditë

Duke filluar nga një janari i vitit 2019, çdo ekonomi familjare do të paguajë 365 franga në vit ose një frang në ditë për aparatet televizive dhe radiofonike që ka

Presidentja e Konfederatës, në cilësinë e ministres për transport, mjedis dhe komunikacion, Doris Leuthard ka dhënë sot lajmin e mirë duke iu drejtuar mediave në mënyrë të drejtpërdrejtë : ulet çmimi i parapagimit për transmetuesin publik të Zvicrës (SRG).

Duke filluar nga një janari i vitit 2019, çdo ekonomi familjare do të paguajë 365 franga në vit ose një frang në ditë për aparatet televizive dhe radiofonike që ka, transmeton albinfo.ch. Duke qenë se aktualaisht për këtë destinim paguhen 451.10 franga, zbritja vjetore e komunikuar e çmimit është 85 franga në vit.

Në të njëjtën kohë me hyrjen në fuqi të ligjit të ri për Radiotelevizionin, do të vendoset edhe shuma maksimale prej 1.2 miliard frangash në vit për financimin e SRG. Nga ana tjetër, transmetuesve të koncesionuar privatë u rritet financimi nga shteti  nga 67,5 milionë në 81 milionë franga, ka njoftuar Leuthard.

Në fushatën e referndumit mbi rishikimin e ligjit mbi Radiotelevizionin (RTVG) të para dy viteve, ministrja Leuthard kishte premtuar se në rast të miratimit të ligjit, parapagimi për SRG do të zbriste nën 400 franga në vit për një ekonomi familjare. Me lajmin e dhënë sot, ajo ka precizuar edhe shumën përfundimtare, pra  365 franga në vit ose 1 frang në vit.