Shkurt.ch
Linja e parë në Zvicër me autobusë pa shofer
Me një shpejtësi maksimale prej 10 kilometrash në orë, këta autobusë, distancën prej 1.3 kilometrash e kalojnë brenda 7 minutash
Në Marly, Friburg, të premten janë lëshuar në qarkullim dy autobusë pa shoferë, duke e krijuar kështu linjën e parë autonome të transportit publik në Zvicër, shkruajnë mediat zvicerane. Bëhet fjalë për dy autobusë të vegjël që zënë deri në 11 persona secili.
Këta autobusë qarkullojnë në linjën nga stacioni “Marle Cite” të ndërmarrjes së trafikut të Freiburtgut (TPF) deri në Marly Innovation Center, një ish zonë industriale që pritet të bëhet zonë e banimit, transmeton albinfo.ch. Dhe kjo pjesë do të lidhet me trafikun publik falë kësaj linje të re që është 1.3 kilometra e gjatë.
Me një shpejtësi maksimale prej 10 kilometrash në orë, këta autobusë e kalojnë këtë distancë brenda 7 minutash. Ata drejtohen përmes teknikës GPS dhe me aparate radari. Kur hasin në ndonjë pengesë në rrugë, autobusët ndalojnë dhe aktivizohet sirena.
Edhe pse këta autobusë lëvizin pa shofer, një përcjellës i vozitjes është vazhdimisht aty dhe në rast nevoje merr edhe timonin, kur ndonjë gjë nuk funksionon si duhet. Ai po ashtu ka për detyrë të ndihmojë personat me lëvizje të kufizuar.
Në fazën e parë, shfrytëzimi i këtij autobusi është fakas, transmeton albinfo.ch. Por, nga 10 dhjetori linja do të inkuadrohet në planin normal të trafikut publik dhe kështu, shfrytëzimi i saj do të bëhet me para.
Autoritetet që e kanë futur në qarkullim këtë linjë të re, shpresojnë se përmes saj do të zvogëlojnë shfrytëzimin e automjeteve private në këtë relacion.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?