Futboll

Liverpooli e dëshiron mesfushorin e Kosovës

Paraqitjet e tij të mira kanë rënë në sy të disa skuadrave evropiane, e në mesin e tyre edhe Liverpooli

Njëri nga futbollistët më të mirë të Kosovës është Valon Berisha, i cili luan në Red Bull Salzburg.

Paraqitjet e tij të mira kanë rënë në sy të disa skuadrave evropiane, e në mesin e tyre edhe Liverpooli, shkruan albinfo.ch.

Mediat angleze raportojnë se “Të Kuqtë” pas Naby Keitan nga Leipzigu e dëshirojnë edhe Berishën, skuadra e të cilit ka sponsor të njëjtë me Leipzig.

Trajneri Jurgen Klopp është duke menduar për transferimin e Berishës, i cili është lojtari kryesor i klubit austriak.

25-vjeçari ka luajtur një rol të rëndësishëm në Ligën e Evropës, duke realizuar pesë gola në 10 paraqitje.

Berishës i kanë mbetur edhe dy vjet në kontratën aktuale.