Kosova
Lluka në Sofje prezanton mundësitë që ofron Kosova për investime
Ministri i Zhvillimit Ekonomik të Kosovës, Valdrin Lluka, po merr pjesë në forumin e parë më temën: “Perspektiva e investimeve: Ballkani Perëndimor”, si pjesë e takimeve të Samitit të Bashkimit Evropian për Ballkanin Perëndimor në Sofje të Bullgarisë.
Në këtë forum, ministri Lluka, bashkë me homologët e rajonit, kanë diskutuar për rëndësinë e bashkëpunimit drejt zhvillimit të rajonit, përcjell albinfo.ch.
“Kosova, duke qenë në mes të vendeve të Ballkanit Perëndimor, ka luajtur rol kryesor në lidhjen mes vendeve. Investimet në infrastrukturën rrugore, hekurudhore dhe tash në telekomunikacion që Kosova ka realizuar dhe është duke realizuar, e bëjnë rajonin më të ndërlidhur dhe më atraktiv për investime të huaja”, ka thënë Lluka.
Ai para shumë bizneseve të huaja që ishin të pranishëm, ka prezantuar mundësitë që Kosova ofron në sektorë të ndryshëm, me fokus në energji, miniera dhe teknologji informative.
Kreu i MZHE-së ka vlerësuar se integrimi i një tregu të përbashkët energjetik mbetet sfida kryesore në vend.
Ndryshe, Forumi Perspektiva e Investimeve: Ballkani Perëndimor mbahet në margjinat e Samitit BE-Ballkani Perëndimor që mbahet në Sofje të Bullgarisë, vend i cili aktualisht mban Presidencën e radhës së BE-së. E presidenti Thaçi ka udhëtuar për Sofje, ku do të marrë pjesë në Samitin e BE-së dhe të Ballkanit Perëndimor. Thaçi do të zhvillojë takime bilaterale me liderë të ndryshëm shtetërorë, kurse pasdite do të marrë pjesë edhe në Forumin Ekonomik Botëror, që organizohet në kryeqytetin e Bullgarisë.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?