Sport

Luksi i Shaqirit, Xhakës & Co. në Kupën e Botës

Më 11 qershor të vitit të ardhshëm, trajneri i Zvicrës, Vladimir Petkoviq dhe delegacioni i tij do të vendosin çadrat 1000 km në juglindje të Moskës, në qytetin me 700,000 banorë të Tolyatit, shkruan ‘Blick’.

Hoteli me katër yje “Tolyatti Resort” ndodhet direkt afër një plazhi me rërë të Vollgës, lumit më të gjatë në Evropë me 3530 km, përcjell albinfo.ch.

Zviceranët do të vendosen “Tolyatti Resort” gjatë Kampionatit Botëror “Rusi 2018”.

Lojtarët do të kenë dhoma luksoze, me kushte shumë të mira, ku kompleksi i hotelit ka edhe një pishinë, një palestër, pesë sauna finlandeze dhe shumë gjëra të tjera.

Temperaturat janë ideale për trajnim: mesatarisht 18.9 gradë në muajin qershor, 20.8 gradë në korrik.

Me vetëm dhjetë minuta me autobus, Nati arrin në terrenin e trajnimit në stadiumin Torpedo.

Aeroporti “Kurumoch” i Samaras është 45 minuta me autobus nga hoteli i ekipit. Nga Samara, Nati fluturon në tri ndeshjet e tyre në grup. Kundër Brazilit, Zvicra luan në Rostov (kohës së fluturimit 1:35 orë) kundër Serbisë në Kaliningrad (2:45 orë) dhe kundër Kosta Rikës në Nizhny Novgorod (00:55 orë).