Kultura

Lule Elezi dhe Alban Pengili, dy koncerte të përbashkëta në Gjermani

Në këto koncerte do të ekzekutohen krijime të kompozitorëve: Beethoven, Sinding, de Falla, Sarasate, Chopin, Wieniawski, Tschaikowski dhe Saint-Saëns.

Pianistja nga Kosova, Lule ELezi dhe violinisti shqiptar me qëndrim në Gjermani, Alban Pengili do të jenë së bashku me “Duo Kassik Konzert” për piano dhe violinë më 7 dhe 9 prill, në Dortmund, respektivisht Bad Honnef. Programi do të përsëritet edhe një herë më 20 prill në kuadrin e festivalit ndërkombëtar të pianos “Frederik Chopin” që mbahet në Prishtinë, njofton Alban Pengili për albinfo.ch

Koncerti në Dortmund do të mbahet  në “Geigenbaumeister und Sohn” ndërsa në Bad Honnef në Confiserie Haus Coppneur.

Alban Pengili është i lindur në në vitin 1972 në Tiranë. Në vitin 1992 ai ka filluar studimet në Folkwang-Hochshule në Esen të Gjermanisë. Këtu ai ka mbaruar masterin në muzikën e dhomës  (kamertale). Ka marrë një sërë çmimesh kombëtare dhe ndërkombëtare për ekzekutimin e tij virtuoz me violinë.

Pengili,  është i përkushtuar shumë arsimimit muzikor të brezit të ri. Shumë nga nxënësit e tij në Gjermani janë dalluar dhe vlerësuar me çmime të larta në nivel vendi dhe në botë.

Lule Elezi është e njohur si pianiste shumë cilësore dhe profesoreshë e rregullt e pianos në Fakultetin e Arteve të Universitetit të Prishtinës. Ajo ka dhënë koncerte dhe ka përfaqësuar vlerat e muzikës shqiptare në shumë vende të botës, mes tjerash edhe në Gjermani, Austri, Kinë etj.

Në këto koncerte do të ekzekutohen krijime të kompozitorëve: Beethoven, Sinding, de Falla, Sarasate, Chopin, Wieniawski, Tschaikowski dhe Saint-Saëns.

Koncerti në Dortmund fillon në orën 19.00

Adresa: Arneckestr. 33

44139 Dortmund im Kreuzviertel