E-Diaspora
Majko: Po negociojmë me çdo shtet për pensionet
Sa i përket çështjes së pensioneve, ministri pohoi se për çdo shtet po negociohej një mënyrë e caktuar veprimi
“Shqiptarët në Tollo janë aq të integruar, sa nëse një ditë do të vendosnin të mos punonin më, ekonomia do të goditej rëndë”.
Kështu u shpreh kryebashkiaku i qytetit të njohur për vreshtat dhe ullishtet në rajonin e Abruzzo-s në Itali, Angelo Radica, gjatë takimit me ministrin e Shtetit për Diasporën, Pandeli Majko.
Ndërsa përmendi rëndësinë që ka komuniteti shqiptar dhe shembujt e panumërt të integrimit të suksesshëm, Radica sugjeroi që sistemi i Tollo-s të shfrytëzohej si model, përcjell albinfo.ch.
Ai u shpreh i gatshëm të ofrojë bursa për studentët shqiptarë të cilët do të studiojnë sistemin e Tollo-s.
Kryetari i Bashkisë e shoqëroi më vonë ministrin në takimin me përfaqësues të komunitetit, ku edhe një herë shprehu mirënjohjen për shqiptarët atje, duke i cilësuar shtyllë të shoqërisë së Tollo-s. Ai vlerësoi gjithashtu propozimet konkrete të Majkos për mësimin e gjuhës shqipe.
“Ai na dha një shembull se si mund të bashkohet dhe integrohet një komunitet”, ishin fjalët e Radica.
Nga ana e tij, ministri Majko falënderoi të pranishmit për emrin e mirë që i kanë dhënë komunitetit. Ministri shprehu qëllimin për krijimin e një marrëdhënieje me autoritetet rajonale, që siç tha, kanë një rol kyç sa i përket politikave për emigrantët.
Në bashkëbisedimin e hapur u fol për reformat e ndërmarra deri më tani për çështjen e diasporës, pensioneve dhe gjithashtu të drejtën e votës.
Sa i përket çështjes së pensioneve, ministri pohoi se për çdo shtet po negociohej një mënyrë e caktuar veprimi.
Të tjera nga E-Diaspora
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit