Lajme
Majlinda, flamurtarja e Kosovës në Olimpiadën e Rios
Në një organizim të veçantë që u bë në Prishtinë, presidenti Hashim Thaçi ia dhuroi xhudistes Majlinda Kelmendi flamurin e Kosovës për ta përfaqësues në Olimpiadën e Rios
Kampionia e botës në xhudo, Majlinda Kelmendit do të jetë flamurtarja e Kosovës në Olimpiadën e Rios që do të mbahet në Brazil. Ajo sonte e mori flamurin e Republikës së Kosovës nga presidenti Hashim Thaçi, i cili para nisjes tetë olimpistët kosovarë i ka dekoruar me medalje presidenciale të meritave.
Duke iu uruar sukses garuesve kosovarë në Lojëra Olimpike, Presidenti Thaçi tha se vetë pjesëmarrja e garuesve kosovarë në olimpiadë, për të parën herë si shtete, është fitore historike.
“Është një debutim historik, një përmbushje e ëndrrës. Kemi respekt për të gjithë sportistët dhe njerëzit që kanë kontribuuar për sportin, duke e mbajtur gjithnjë ëndrrën gjallë. Kjo është një fitore olimpike, pasi do të marrin pjesë si të barabartë me të gjitha shtetet. Është kënaqësi që do të prezantohemi në Rio me flamurin tonë”, u shpreh Thaçi.
E sportistët, siç raporton “Zëri” premtuan se do ta japin më të mirën, duke synuar edhe medalje në “Rio 2016”
E në mbrëmje, shtatë garuesit: Majlinda Kelmendi, Nora Gjakova, Rita Zeqiri, Vijona Kryeziu, Musa Hajdari, Qëndrim Guri e Urata Rama (mungoi notari Lum Zhaveli), janë pritur nga presidenti i Kosovës, Hashim Thaçi, i cili i ka dekoruar secilin prej tyre me medalje presidenciale të meritave, duke u nisur nga ambasadorja e nderit, Majlinda Kelmendi.
I emocionuar me pjesëmarrjen e parë në Olimpiadë dukej edhe presidenti i Komitetit Olimpik të Kosovës (KOK), Besim Hasani. Ai po e përmbush një mision të nisur shumë vite më parë.
“E kam prit gjatë këtë ditë, jam mjaft i emocionuar. E falënderoj çdo sportist për kontributin. Po nisemi në Rio si kampionë, pasi kemi dy norma olimpike dhe sportistë kampionë botërorë dhe evropianë. Çdo rezultat është fitore për ne. Tash jemi të barabartë me të gjithë dhe kjo më bën krenar. Nuk mund të na ndalë askush shpresat për të kërkuar medalje në Olimpiadë”, deklaroi Hasani.
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?