Sport
Majlinda Kelmendi në Olimpiadë vetëm me flamurin e Shqipërisë
Komiteti Olimpik Ndërkombëtar ka vendosur të mos e lejojë Majlinda Kelmendin që ta përfaqësojë Kosovën në Lojërat Olimpike
Bordit Ekzekutiv të Komitetit Olimpik Ndërkombëtar, nuk e ka lejuar xhudisten nga Kosova, Majlinda Kelmendi, që të përfaqësojë shtetin e vet në Lojërat Olimpike “Londra 2012” ,raportojnë mediat në Prishtinë.
Madje asaj nuk iu lejua as paraqitja si sportiste e pavarur, që ka qenë një dëshirë e dytë dhe kërkesë zyrtare e saj, nëse përfaqësimi si shtet nuk do të ishte i mundshëm.
Komitetit Olimpik Ndërkombëtar vendosi që forma e vetme e paraqitjes së Majlinda Kelmendit në Lojërat Olimpike ‘Londra 2012’ të jetë si sportiste nga Shqipëria.
Ministri kosovar i Sportit, Memli Krasniqi, ka thënë se me këtë akt, Komiteti Olimpik Ndërkombëtar po ua humb edhe më shumë shpresat dhjetëra mijëra sportistëve, talenteve nga Kosova.
“Është jashtëzakonisht johumane ndaj një sportisteje si Majlinda Kelmendi, që përkundër sfidave dhe intrigave politike ka arritur suksese kulminante, duke siguruar edhe normën olimpike, të mos i mundësohet pjesëmarrja në Lojërat Olimpike”, ka deklaruar ai.
Krasniqi, ka thënë se vendimi i KON-it është po ashtu një thyerje e parimeve olimpike dhe mbi të gjitha një konfirmim i padrejtësisë shumëvjeçare që po i bëhet Kosovës në sport.
LEXONI PO ASHTU :
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të... -
SH.K.A “Dardania” përfaqëson Shqipërinë e Kosovën në Festivalin në Winterthur -
Adoleshenti kosovar, i dyshuar për ISIS, e quan veten “Bombarduesi” -
Nju-Jork: Artisti Petrit Halilaj, në majë të Muzeut Metropolitan -
Marigona Qerkezi do të debutojë në teatrin e St.Gallenit
