Maqedonia
Maqedonia po braktiset
Sipas të dhënave të Entit Shtetëror të Statistikave, çdo i dyti i ri i moshës deri në 24 vjet nuk ka punë
Gjysma e të rinjve në Maqedoni janë të papunë, ndërsa edhe pjesa shumicës së atyre që punojnë paguhen me rrogë minimale prej 12 mijë denarë (200 euro).
Këto shifra rezultojnë nga institucionet zyrtare, duke nxjerrë në sipërfaqe realitetin në Maqedoni se a mund të jetohet në këtë vend që dita-ditës po rrëshqet në varfëri, raporton “INA”.
Sipas të dhënave të Entit Shtetëror të Statistikave, çdo i dyti i ri i moshës deri në 24 vjet nuk ka punë, përcjell albinfo.ch.
Kjo situatë ka bërë shumë të rinj të mos shohin perspektivën dhe të ikin jashtë vendit. Shifrat janë alarmante, ndërsa institucionet shtetërore heshtin dhe fshehin të dhënat. Por, viteve të fundit po qarkullojnë informacione se mbi 400 mijë veta kanë braktisur vendin për një periudhë të shkurtër.
Një shifër shqetësuese u dha edhe nga Banka Botërore, e cila në raportin e vitit 2013 nënvizoi se 626 mijë qytetarë kanë braktisur Maqedoninë, apo sipas numrit të përgjithshëm të popullsisë, çdo i treti banorë është jashtë vendit.
Numri më i madh i të rinjve ikin në vendet e Bashkimit Evropian, por ka edhe nga ata që emigrojnë në SHBA, Kanada dhe Australi. Këtyre shifrave të ikjeve apo gjetjes së një pune jashtë vendit i shtohen edhe të rinjtë që po gjejnë punë nëpër anije dhe nëpër hotele luksoze në Emiratet e Bashkuara Arabe, Katar dhe shtete tjera.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe