Lajme
Marrëveshje edhe për dy pika kalimi në Serbi
Marrëveshja ndërmjet Prishtinës dhe Beogradit nënkupton hapjen e dy pikëkalimeve kufitare, njërën në Kapi të Sfircës dhe tjetrën në mes Zubin Potokut dhe Novi Pazarit
Në dialogun teknik Kosovë-Serbi që po zhvillohet në Bruksel, është arritur edhe një marrëveshje për dy kalime kufitare ndërmjet dy vendeve. Kjo marrëveshje e sofistikon edhe më shumë atë për menaxhimin e Integruar të Kufirit, që është kushti kryesor për integrimin e dy shteteve në BE.
Sipas një komunikate të Qeverisë së Kosovës, marrëveshja nënkupton hapjen e dy pikëkalimeve të reja, njërën tek vendi i njohur si Kapi e Sfircës që gjendet në mes të Komunës së Kamenicës dhe asaj të Medvegjës, si dhe një pikëkalim kufitar që gjendet mes Zubin Potokut dhe Novi Pazarit.
“Kërkesën për pikëkalimin kufitar te Kapia e Sfircës e ka bërë pala e Kosovës duke u bazuar në kërkesat zyrtare të paraqitura nga Komuna e Medvegjës dhe Kamenicës, të cilat kërkesa Qeveria e Kosovës i ka mbështetur plotësisht, duke e iniciuar këtë çështje në Dialogun e Brukselit”, thuhet në kumtesë.
Hapjen e pikëkalimit në Kapi të Sfricës do të lehtësoj maksimalisht lëvizjen e lirë për shqiptarët e Luginës së Preshevës dhe sidomos të atyre nga Medvegja, sepse do të shkurtohet udhëtimi për rreth 100 km.
“Me fjalë tjera tani përmes këtij pikëkalimi do të mund të vijnë në Kosovë duke bërë rrugë vetëm 28 kilometra. Më tutje, gjatë stinës së verës dhe periudhës së festave ky pikëkalim i ri kufitar do t’u mundësojë diasporës tonë edhe një qasje më shumë për në Kosovë”, theksoi ministrja për Dilogun, Edita Tahiri.
Në bazë të analizave nga ekspertët është vlerësuar se kjo pikë e re kufitare do të ndihmojë në përmirësim e gjendjes ekonomike të banorëve të këtij brezi kufitarë pasi që terreni është shumë i përshtatshëm për turizëm rural.
Po ashtu, u arrit pajtimi për vendosjen edhe të autoriteteve doganore në pikë kalimin kufitar Mutivodë, sipas kërkesës së banorëve shqiptarë të komunës së Medvegjes.
“Pika tjetër e kalimit kufitarë do të hapet në pjesën veriore të Kosovës përkatësisht në afërsi të komunës së Zubin Potokut, funksionalizimi i së cilës do të mundësojë kontroll më të shtuar në kufi dhe do të kontribuojë në luftimin e dukurive negative, siç janë kontrabanda dhe kalimet ilegale, duke qenë se kjo pikë është përdorur më herët si një rrugë ilegale për kontrabandë”, thuhet në njoftim.
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma edhe pse ka shpenzuar paratë e veta Zyra e kompensimit i kishte refuzuar kërkesën sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf