Jeta në Zvicër
Masakër ndaj gomarëve, kërcënohet me dy vjet burgim
"Gjuetari ka kryer një masakër të vërtetë", ka pohuar Ariane Kabsch, avokatja e pronares së dëmtuar të firmës së gomarëve
Gjuetari zviceran, José R. (40), më 24 maj të këtij viti do të duhet të paraqitet para një gjykate franceze. Mbi të rëndon akuza për vrasjen e katër gomarëve dhe mund të dënohet me dy vjet burgim.
Ishte një konfuzion i supozuar që Fanfanit (19), Moustique (19), Mistralit (17) dhe Ulule (7) u kushtoi me jetë. Nga mesi i muajit shtator, portugezi me pasaportë zvicerane, José R. (40), mori pjesë në një gjueti drerësh në lokacionin francez Arith, rreth 65 kilometra në jug të Gjenevës. Gjatë gjuetisë, gjuetari ka shtënë mbi një grup gomarësh. Ai vrau dy gomarë, ndërsa dy të tjerë i plagosi aq rëndë sa që veterinari është dashur t`ua shkurtojë vuajtjet.
“Gjuetari ka kryer një masakër të vërtetë”, ka pohuar Ariane Kabsch, avokatja e pronares së dëmtuar të firmës së gomarëve. “Hetimet e autoriteteve franceze kanë dëshmuar se gjithçka ka qenë shumë më keq se sa ishte paramenduar”.
Së bashku me të vëllain, ai ishte ftuar në gjueti nga një shoqatë franceze, shkruan “Blick”, përcjell albinfo.ch. Ata iu bashkuan gjuetarëve francezë dhe filluan gjuetin e drerëve. Mirëpo, në vend të drerëve, gjuetari zviceran qëlloi në gomarë.
Firma në fjalë edhe sot e kësaj dite i vajton gomarët e vrarë. “Pronarja u përkujdes për kafshët dhe kishte marrëdhënie të shkëlqyeshme me ta. Tani ajo është shkatërruar tërësisht”, ka pohuar avokatja mbrojtëse, duke kërkuar kompensim në të holla.
Gjuetari kërcënohet me burgim deri në dy vjet, gjobë prej 30 mijë eurosh si dhe kompensim të lartë në të holla për keqtrajtim të rëndë dhe mizorisë ndaj kafshëve.
Të tjera nga Jeta në Zvicër
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane