Lajme
Mbjellja e Shparagut subvencionohet në Kosovë
Asparagu mbështetet nga Ministra e Bujqësisë përmes subvencioneve, me nga 300 euro për hektar. Në Kosovë llogaritet të jenë rreth 10 hektar të kultivuar me asparag, dhe përfitimet për fermerët janë mjaftë të volitshme.
Shparagu është një kulturë bujqësore që vazhdon të kultivohet në Kosovës. Madje përmes ofrimit të këshillave bujqësore, por edhe mbështetjes financiare, fermerët vendorë kanë filluar të kultivojnë gjithnjë më shumë shpargun (asparagun). Kështu ka deklaruar ministri i Bujqësisë, Pylltarisë dhe Zhvillimit Rural, Memli Krasniqi, i cili bashkë me ambasadorin Amerikan, Greg Delawie, si dhe me përfaqësues të USAID-it për Kosovë vizituan shtandet në sheshin “Nena Terezë” në Prishtinë, në të cilat fermerët po e promovojnë këtë kulturë bujqësore.
Me këtë rast ministri Krasniqi duke uruar fermerët për punën e tyre, tha se për çdo ditë ka rritje të kultivimit të shpargut në Kosovë, duke krijuar kështu jo vetëm treg të sigurt për kultivuesit e saj, por gjithashtu edhe përfitime të mëdha për ta.
“Duke parë që vendi ynë ofron kushte të përshtatshme klimatike për kultivimin e kësaj kulture me potencial të lartë por edhe mjaft profitabil, falë partneritetit me USAID-in, fillimisht përmes projektit të NOA-s dhe tani me projektin AGRO kemi arritur të ndërtojmë shtigje të reja për fermerët tanë dhe ndër to janë edhe mundësitë që u kemi ofruar fermerëve të kultivimit të shpargut dhe padyshim se ka hapësirë për zgjerim të numrit të ndërmarrësve për t’u marrë me kultivimin e kësaj kulture bujqësore, meqenëse vërtetë është një nga kulturat që sjellë përfitime të mëdha”, tha ai.
Asparagu mbështetet nga Ministra e Bujqësisë përmes subvencioneve, me nga 300 euro për hektar. Në Kosovë llogaritet të jenë rreth 10 hektar të kultivuar me asparag, dhe përfitimet për fermerët janë mjaftë të volitshme.
Ambasadori amerikan, Greg Delawie theksoi se kultivimi i shpargut është një e arritur e madhe për sektorin e bujqësisë në Kosovë, duke marrë parasysh që vetëm në sezonin e parë të mbjelljes së kësaj kulture, kultivuesit e saj arritën të shesin 2 tonë me shparg (asparag).
“Prej atëherë rritja ka qenë me të vërtetë e stërmadhe dhe këtë vit presim që fermerët të shesin më shumë se 25 tonë vetëm në tregun vendor dhe fitimi i kultivuesve do të jetë rreth 80 mijë euro”, tha ai. Gjithashtu ambasador Delawie tha se ky është vetëm fillimi, ndërsa hapi i ardhshëm është që të bëhemi gati për eksport në tregun evropian.
Ministria e Bujqësisë, Pylltarisë dhe Zhvillimit Rural në partneritet me USAID-in përmes projektit AGRO, në vazhdimësi do të bashkëpunojnë në projekte të shumta për t’u ndihmuar fermerëve vendor në ngritje të kapaciteteve bujqësore.
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?