Integrimi

Me mbi 200 vota Burim Kukeli merr pasaportën zvicerane

Nga mbledhja e Komunës Hergwil të martën mbrëma, ku votuan mbi 200 persona, më së fundi është natyralizuar lojtari i Kombëtares shqiptare të futbollit Burim Kukeli dhe një filipinas. Tashmë edhe zyrtarisht Kukeli është zviceran, shkruan “LZ”, përcjell albinfo.ch. Kjo pasi shumica e të pranishmëve menduan se kosovari dhe filipinasi janë të integruar në shoqërinë zvicerane.

Gjithashtu, gjatë mbledhjes komunale, miratohet edhe përmbyllja e llogarisë në komunë, e cila ka përfunduar me fitim prej 1.6 milion franga. Shefi i financave Alfonso Ventrone është pritur me duartrokitje të gjata pas përmbylljes së fjalimit.